رویداد خبري آژانس په افغانستان کې لومړنۍ دیجټلي خبري آژانس
د خوست د کرنې ریاست چارواکي وايي، سږکال په خوست ولایت کې دوه زره او ۹۱۸ ټنه ګنۍ تولید شوې دي.
د خوست د کرنې، اوبولګولو او مالدارۍ ریاست چارواکي وایي، چې سږکال د دې ولایت د مرکز متون په ګډون باک او صبریو ولسوالیو کې پر۵۸۶هکتاره ځمکه ګنۍ کرل شوي دي.
د خوست د کرنې رییس شاه حفیظ الله نوري وایي، چې د ګنیو حاصلاتو د زیاتېدو لپاره یې هڅې چټکې کړي دي، چې سږ کال به وکولای شي څه باندې دوه زره او ۹۱۸ ټنه ګڼي تولید کړي.
ښاغلی نوري دغه راز زیاتوي، چې خوست د کرنې ریاست د ګنیو د پراختیا لپاره کروندګرو سره هر اړخیزې همکارۍ، د ناروغیو او افاتو ضد درمل وېشل او د ګنیو د کرکېلي او ښې پېژندنې لپاره روزنیزې برنامې هغه چارې دي، چې کروندګرو ته ترسره شوي دي.
دافغانستان د کرنې، اوبولګولو او مالدارۍ وزرات د معلوماتو له مخې خوست، ننګرهار، لغمان او کونړ د هېواد د ګنیو لوی تولیدونکی ولایتونه ګڼل کیږي، چې هر کال په زرګونه مټریک ټنه ګنۍ له یادو ولایتونو څخه توليدېږي او په بېلابېلو برخو کې کارول کیږي.
