رویداد خبري آژانس په افغانستان کې لومړنۍ دیجټلي خبري آژانس
پاکستاني رسنيو راپور ورکړی چې دغه هېواد په روان مالي کې له سخت اقتصادي کړکېچ سره مخ و او له همدې کبله له يو شمېر مالي بنسټونو د پور اخيستو ته اړ شوی.
د راپورونو له مخې، په روان مالي کال کې پاکستان له ۱۲ ميليارد ډالرو زيات پور ترلاسه کړی چې دا شمېر د دغه هېواد د تېر مالي کال په پرتله ۶۲ سنله زياتوالی ښيي.
د راپورونو د مالوماتو له مخې، پاکستان د يادو پورونو ډېره برخه د سوداګريز پور په توګه ترلاسه کړې چې هر کال به د نړيوال بانک او د اسيا پراختيايي بانک د سود له نرخ سره سم ټاکلې اندازه سود پرې کوي.
د پاکستان خزانې وزارت هم په لوړه پيمانه د پورونو اخيستل تائيد کړي او زياته کړې يې ده، چې پاکستان په تېر مالي کال کې له نړيوالو مالي بنسټونو څخه ۷.۴۴ ميليارده ډالر پور کړي وو خو د دغه وزارت د مالوماتو له مخې، په روان مالي کال کې د پور اخيستنې دا کچه ۱۲ميليارده او ۱۳ کروړه زياته شوې چې د دواړو کلونو ترمنځ ۶۲ سلنه توپير ښيي.
د پاکستان خزانې وزارت د يادو پورونو د اخيستنې دليل په دغه هېواد کې د تبادلې د نرخ ثبات ساتل بللي خو شنونکي بيا نيوکه کوي چې د تبادلې د نرخ ثبات په موخه په دومره لوړه پيمانه پور اخيستنې ته هېڅ اړتيا نه وه.
There are some points that I don’t understand in this article, can they be clarified for other articles?