رویداد خبري آژانس په افغانستان کې لومړنۍ دیجټلي خبري آژانس
د افغانستان مالیې وزارت وایي، د ۱۴۰۰م مالي کال د بودجې په تصویب کې ځنډ دوی په اوږدمهال کې له ستونزو سره مخامخ کوي.
دا په داسې حال کې چې تېره ورځ د افغانستان ولسې جرګې د دوهم ځل لپاره د روان مالي کال د بودجې طرح رد کړه،
د دغه وزارت ویاند شمروز مسجدي پرون شنبې (د مرغومي ۲۷ مه نېټه) له ازادي راډیو سره په خبرو کې وویل: “تر څو چې بودجه پاس شوې نهوي، موږ هېڅ پروژه شروع کولای نهشو او نه هم د پروژې قرارداد او مطالعه کېږي، هر څومره چې وخت ځنډېږي، هماغومره د پروژو تطبیق وروسته کېږي، یعنې په وخت او زمان سره نهتطبیقېږي، که چېرته وخت زیات تېرېږي، بیا ورو ورو مشکلات زیاتېږي.”
مالیې وزارت وایي، د بودجې د طرحې بله بڼه به هم ولسي جرګې ته ولېږي، خو وایي دا چاره لږ وخت نیسي ځکه چې د کابینې منظورۍ ته هم اړتیا لري.
مالیې وزارت په وروستۍ طرحه کې چې ولسي جرګې رد کړې، ۱۴۰۰م مالي کال ته ۴۷۳ میلیارده افغانۍ بودجه ځانګړې کړې ده.
