رویداد خبري آژانس په افغانستان کې لومړنۍ دیجټلي خبري آژانس
پاکستاني سوداګر وایي له افغانستان سره دې د سوداګرۍ په برخه کې ټول شته خنډونه له منځه یوړل شي.
د سرحد د سوداګرۍ او صنعت د خونو مسوول شېرباز بېلور وایي د افغانستان او پاکستان ترمنځ د سوداګریزو اړیکو پراختیا ته جدي اړتیا ده.
د شېرباز په خبره، افغانستان او پاکستان باید وکړی شي چې ان تر مرکزي اسیا او د پاکستان تر سمندري بندرونو پورې د سوداګرۍ او سوداګریزو کاروانونو په لار کې ټول خنډونه له منځه یوسي.
دده په خبره په سیمه کې باید سوداګري وغوړېږي او دا د پاکستاني او افغان حکومت جدي اقداماتو ته اړتیا لري.
بېلور وایي چې که د افغانستان او پاکستان ترمنځ د سوداګرۍ په برخه کې خنډونه له منځه وړل کېږي نو ددواړو لورو ترمنځ د سوداګرۍ کلنۍ کچه پنځو میلیاردو ډالرو ته رسېدلی شي.
