رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې په نږدې راتلونکي کې په غزني کې د ۱۰ میلیونه ډالرو په ارزښت د بټریو د تولید يوه فابريکه په کار پیل وکړي.
د دغه ولایت د سوداګرۍ او پانګونې خونې د مدیره پلاوي مشر عبدالمتین قلندري نن خبریالانو ته وویل چې دغه کار خونه به لسګونه کسانو ته د کار زمینه برابره کړي.
نوموړي زیاته کړې چې د دغې فابريکې په تړاو د سوداګرۍ او صنعت وزارت له چارواکو سره خبرې شوې دي او ټاکل شوې چې په دغه کار خونه کې به غټې او وړې بټرۍ جوړې شي.
ښاغلی قلندري وایي، د بټریو د تولید دغه فابريکه د خصوصي سکټور د ۱۰ میلیونه ډالرو په ارزښت جوړېږي.
د غزني سوداګرۍ او صنعت خونې چارواکي وایي، سره له دې چې د غزني ولایت خصوصي سکټور د ناامنیو له امله له ګڼو ستونزو سره مخ دی، خو بیا هم په هېواد کې پانګونې ته ژمن دي.
