ټرمپ اعلان کړی چې امریکا به ژر د نړۍ له ټولو هېوادونو پروارداتو ۱۰ سلنه تعرفه ولګوي.د سپینې ماڼۍ په وینا، دا پرېکړه به ژر عملي شي او د لنډ مهال لپاره به د سوداګرۍ د قانون د یوې مادې له مخې نافذه شي.

دا اقدام وروسته له هغه کېږي چې د امریکا سترې محکمې د ټرمپ له پخوانیو تعرفو سره مخالفت وکړ. محکمې ویلي، چې د تعرفو ټاکل په اصل کې د کانګرس صلاحیت دی او ولسمشر یوازې هغه وخت دا کار کولی شي چې قانون ورته واضح اجازه ورکړي.

دا لومړی ځل نه دی چې ټرمپ ورته اقدام ترسره کوي،
ټرمپ تر دې د مخه هم اپرېل مياشت کې پر نړیوالو وارداتو ۱۰ سلنه تعرفه اعلان کړې وه او تر هغه وروسته يې د چین پر سلګونو میلیارد ډالرو وارداتو تعرفه له ۱۰ سلنې څخه تر ۱۵ سلنې پورې لوړه کړې وه.