رویداد خبري آژانس په افغانستان کې لومړنۍ دیجټلي خبري آژانس
د افغانستان دفاع وزارت نن ( پنج شنبه د لیندۍ ۱۳ مه) په یوه اعلامیه کې ویلي چې تیره ورځ طالبانو د کندهار ولایت د ژیړۍ, ډنډ او معروف ولسوالیو کې د امنیتي ځواکونو پر پوستو بریدونه وکړل.
چارواکي وايي د امنیتي ځواکونو په دفاع کولو سره د هوايي ځواکونو په ملاتړ د وسلوالو بریدونه په شاه وتمبول شول.
امنیتي چارواکي زیاتوي د هوايي او ځمکني بریدونو په پایله کې ۸۵ طالبان وژل شوي او ۱۸ نور ټپیان دي.
په دې اعلامیه کې ویل شوي چې په همدې بریدونو کې د وسلوالو څخه ۲ ګادي او ۲ موټر سایکلې لاس ته ورغلي او یو شمېر وسلې يې له منځه وړل شوي دي.
وسلوالو طالبانو تر اوسه په دې اړه څه نه دي ویلي.
