رویداد خبري آژانس په افغانستان کې لومړنۍ دیجټلي خبري آژانس
ولسمشر غني د ملي شورا استازو او د دوی د کورنیو له غړو سره کتلي.
افغان ولسمشر محمد اشرف غني پرون پنجشنبې د اکټوبر۸ (تلې۱۷) ماښام د ملي شورا د مجلسونو د استازو او د دوی د کورنیو له غړو سره چې په ولسمشرۍ مانۍ کې میلمستیا ته بلل شوي وو کتلي دي.
ولسمشر غني ولسمشرۍ ماڼۍ ته په ملي شورا کې د ولس د استازو د کورنیو د غړو د ورتګ مننه وکړه وې ویل، د جمهوریت ښکلا په دې کې ده چې هر فرد په کې د پرمختګ او خدمت کولو زمینه پیدا کوي.
نوموړي وویل، سوله راتلونکې ده، خو حوصله ولرئ چې باعزته او تلپاتې سوله راشي.
