رویداد خبري آژانس په افغانستان کې لومړنۍ دیجټلي خبري آژانس
نړیوال بانک د ماشومانو د زده کړو په لپاره له افغانستان سره د ۲۵ میلیونه ډالرو مرسته اعلان کړې ده.
نړیوال بانک ویلي دوی غواړي د ماشومانو لپاره د زده کړو د خوندي چاپېریال برابرولو او په دې برخه کې د ستونزو د حل په موخه د افغانستان د پوهنې له بهیر سره ۲۵ میلیونه ډالر بلاعوضه مرسته وکړي.
دغه بانک چې دغه پیسې به د اقرا پروګرام له لارې لګول کېږي او ټاکل شوې چې په مرسته یې سلو ښوونځیو ته ودانۍ جوړې شي.
نړیوال بانک دغه راز ویلي چې له دې پیسو به د ښوونکو لپاره روزنیز پروګرامونه جوړېږي او هڅه کېږي د ماشومانو د زده کړو لپاره اسانتیاوې رامنځ ته شي.
دغه بانک همدا راز ویلي چې دوی له افغانستان سره په بېلو انکشافي او پراختیايي برخو کې خپلو مرستو ته ادامه ورکوي.
