رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د عمومي اسمبلۍ دویمې کمېټې د فلسطیني ولس او د اشغال شوي سوریې د جولان سیمې د اوسېدونکو پر طبیعي سرچینو د دایمي واکمنۍ حق په ۱۵۱ موافقو رایو تصویب کړ.
دغه پرېکړهلیک، چې د ۷۷ هېوادونو ډلې او چین له لوري وړاندې شوی و، ۷ مخالفې او ۱۱ ممتنعې رایې ترلاسه کړې دي. امریکا او اسراییل د پرېکړهلیک مخالف هېوادونه وو.
په پرېکړهلیک کې د فلسطینیانو پر طبیعي سرچینو د هغوی نهسلبېدونکي حقونه بیا یاد شوي او له اسراییلو غوښتل شوي چې په اشغال شویو سیمو کې د طبیعي سرچینو له لوټ او ناقانونه استخراج څخه لاس واخلي.
همدارنګه، په پرېکړهلیک کې د ژنیو کنوانسیونونو پر پلي کېدو او په اشغال شویو سیمو کې د ملکي وګړو پر خوندیتوب ټینګار شوی دی.
