رویداد خبري آژانس په افغانستان کې لومړنۍ دیجټلي خبري آژانس
د سوک وهنې ملي فدراسيون په کابل کې د سوک وهنې ۲۳م پړاو سيالۍ پای ته ورسولې.
د فدراسيون په خبرپاڼه کې راغلي چې په دې سياليو د کابل له ۸۵ کلپونو څخه ۳۲۰ لوبغاړو ګډون کړی وو.
فدراسيون وايي، له يادو سياليو څخه غوره لوبغاړي په نښه کړي او د ملي لوبډلې په جوړښت کې به ور اضافه کړي.
د دغو سياليو د پای مراسمو کې د المپيک، بدني روزنې او سپورټ عمومي رياست فني او مسلکي مرستيال حافظ احمد جان ځدراڼ، د سوک وهنې ملي فدراسيون رييس قدير سلطاني، د ياد فدراسيون مسوولينو، د سوک وهنې ورزشکارانو او زيات شمېر مينوالو ګډون کړی وو.
دغه سيالۍ د ځوانو ورزشکارانو په عمري کټګورۍ او د ۴۸ کيلو ګرام څخه تر ۹۲ کيلو ګرام پورې په بېلابېلو وزني کټګوريو کې ترسره شوې، چې په پايله کې ۲۶ ورزشکاران د کابل ولايت د سوک وهنې د ځوانانو منتخبې لوبډلې ته وټاکل شول.
