رویداد خبري آژانس په افغانستان کې لومړنۍ دیجټلي خبري آژانس
په کابل کې د ايران سفارت سرپرست علي رضابيکدلي اعلان کړی، چې د ایران او افغانستان ترمنځ د سوداګرۍ بهیر پرته له ځنډه دوام لري.
نوموړي همداراز ويلي؛ چې د ایران حکومت په سرحدي بندرونو کې د وارداتو او صادراتو لپاره ځانګړې اسانتیاوې برابرې کړې دي، هغه زياته کړې چې د افغانستان او ايران ترمنځ همکارۍ په تېرو ۴۸ کلونو کې د هېڅ جګړې او بهرني مداخلې له امله نه ده اغېزمنې شوې.
د ایران او افغانستان ترمنځ زياتره سوداګري د سرحدي لارو، په ځانګړي ډول د اسلام قعله او ميلک بندرله لارې ترسره کېږي، چې ډېری سوداګریز موټرونه له همدې لارې افغانستان ته تیل، خوراکي توکي او ساختماني مواد هېواد ته وارد کوي او په مقابل کې افغانستان ایران ته وچه مېوه، کرنیز محصولات او ځینې معدني مواد صادروي.
راپورونه وايي، چې ایران د افغانستان له مهمو سوداګریزو شریکانو څخه ګڼل کېږي چې دواړو هېوادونو ترمنځ کلنی سوداګریز حجم په وروستیو کلونو کې میلیاردونو ډالرو ته رسېدلی او دواړه لوري هڅه کوي دا کچه لا زیاته کړي.
