رویداد خبري آژانس په افغانستان کې لومړنۍ دیجټلي خبري آژانس
د امریکا د ولسمشریزو ټاکنو پایلې مهم پړاو ته رسېدلې دي.
له څو ایالتونو پرته د نورو ټولو ایالتونو رایې شمېرل شوې دي او په هغه کې جو بایډن تر ټرمپ مخکې دی.
په الکترال کالج کې یوازې د شپږو نورو رایو ګټلو ته اړتیا لري چې ټرمپ په دې برخه کې ۵۶ رایو ته اړتیا لري.
بلخوا د عامو خلکو په رایو کې هم جوبایډن درې میلیونه رایې تر ټرمپ مخکې دی.
بایډن په تازه څرګندونو کې ویلي، ادعا نه کوي بلکې ډاډه دی چې د رایو شمېرلو په پای ته رسېدو سره به دی د ټاکنو ګټونکی اعلانېږي.
بلخوا ټرمپ بیا په ګڼو ایالاتونو کې د جو بایډن پر ډله د پراخ فساد تور پورې کوي.
دی وایي چې د ټاکنو کمیسیون هم د هغه په ملاتړ ولاړ دی او په ځینو برخو کې ان د ټرمپ ناظرینو ته د نظارت اجازه نه ورکول کېږي.
ټرمپ پر رسنیو هم نیوکه کوي چې ددوی د رایو شمېر کم ښيي. په ټوله کې ټرمپ تر سخت فشار لاندې ښکاري او ټاکل شوې چې په راتلونکو څو ساعتونو کې پایلې معلومې شي.
