رویداد خبري آژانس په افغانستان کې لومړنۍ دیجټلي خبري آژانس
رویترز خبري اژانس پرون (شنبې د مارچ ۱۵مه) په يو راپور کې ویلي، چې د امریکا غږ لسګونه کارکوونکي د شنبې په ورځ له دندو رخصت شول، دا پرېکړه یوه ورځ وروسته له هغې وشوه چې د امریکا ولسمشر ډونالډ ټرمپ د حکومت تمویل شوي رسنۍ او شپږو نورو فدرالي ادارو بودجه لغوه کولو اجرائیه فرمان لاسلیک کړ.
د امریکا غږ یو شمېر کارکوونکو رویټرز ته په یوه استول شوي برېښنالیک کی ویلي: ” تر بلې خبردارۍ پورې د بشپړ معاش او امتیازاتو سره اداري رخصتي ورکړل شوې ده.”
دغه پرېکړه د امریکا د نړیوالو رسنیو ادارې (USAGM) له خوا تطبیق شوې، چې د امریکا غږ سربېره نورې رسنۍ هم اداره کوي.
