رویداد خبري آژانس په افغانستان کې لومړنۍ دیجټلي خبري آژانس
ټریډز د چهارشنبې په ورځ د میټا شرکت د یوې نوې برخې په توګه په کار پیل وکړ او په چټکی سره څه باندې ۳۰ ملیونه کسانو په کې اکونټونه جوړ کړل. داسې ښکاري، چې میټا شرکت د اسنتاګرام زرګونه ملیونه کاروونکیو څخه په ګټې اخیستنې د ایلان ماسک له ټویټز سره سیالۍ وکړي.
ټوییټر وکیل په خپل لیک کې، چې مارک زاګربرګ ته یې لیږلی، میټا په دې تورنوي، چې د ټوییټر پخوانيو کارکوونکیو په ګمارلو سره یې د ټوییټر سوداګریز او نورو ډیر پټ اسنادو ته لاسرسی موندلی او اوس هم لاسرسی لري.
د ټوییټر وکیل الکس اسپیرو په دې لیک کې لیکي: ټوییټر په پام کې لري، چې خپل معنوي حقونه پلي کړي او له میتا څخه غواړي، څو د ټوییټر سوداګریزو اسرارو او یا ډیرو پټو معلوماتو له کارولو څخه ژر تر ژره لاس واخلي. یوې سرچینې له رویټرز خبري اژانس سره په خبرو کې د دې لیک منځپانګه تائید کړې ده.
بل خوا د میتا ویاند اندي استون په ټرډز کې لیکلي: د ټرډز مهندسي ډله کې هیڅوک نشته، چې هغه د ټوییټر پخوانی کارکونکی وي.
په ورته حال کې د ټوییټر مالک ماسک د ټرډز ټولنییزې شبکې پیلیدو او دې خبر ته په اشاره ټویټ کړی: سیالي ښه ده، تقلب ښه نه دی.
حقوق پوهان په دې باور دي، چې د میتا پر وړاندې د سوداګریزو اسرارو د غلا ثابتولو لپاره، ټوییټر ډیرو جزئیاتو ته اړتیا لري.
د ایلان ماسک لخوا د ټوییټر شبکې رانیولو وروسته، دا ټولنیزه شبکه زیاتو سیالانو سره سیالي کوي او ورځ تر بلې یې سیالان په زیاتیدو دي.
