رویداد خبري آژانس په افغانستان کې لومړنۍ دیجټلي خبري آژانس
د ننګرهار پوهنې ریاست چارواکي وایي چې د بهسودو ولسوالۍ ۸۰۸ تنه ښوونکو ته د پچه اچونې له لارې د ځمکو نمرې مشخصې شوې.
د ننګرهار پوهنې ریس حسیب الله شینواري په یوه غونډه کې خبرې کولې وویل:” هر ښوونکي ته د خدمت په مقابل کې پر مالي امتیازاتو سربېره د حکومت له لورې د یوې نمرې ځمکې ورکړه هم امتیازي بڼه لري.”
پوهنې ريیس له هغو ښوونکو نه چې د پچې اچونې په پروسه کې د بحراباد په ښارګوټي کې ځمکه تر لاسه کوي وغوښتل چې خپله ځمکه اباده او دا ښارګوټی له هر پلوه مثالي ښارګوټی شي.
نوموړي زیاته کړې، چې په دې ښارګوتی کې د شاملو ادارو څخه به وغواړي چې د بحراباد د ښوونکو په ښارګوټي کې خپل مکلفیت ترسره کړي.
د نوموړي د معلوماتو له مخې د بهسودو ولسوالۍ پوهنې آمریت اړوند ۱۲۱۶ تنه ښوونکي لري چې د اوس لپاره یې په یاد ښارګوټي کې ۸۰۸ تنو ته د ځمکې نمرې چمتو شوي چې د پچه اچونې له پروسی وروسته به ورته په واک کې ورکړل شي.
