رویداد خبري آژانس په افغانستان کې لومړنۍ دیجټلي خبري آژانس
د افغانستان د پوهنې وزارت د لوګر محمدآغې ولسوالۍ د سیاه کوه د لومړني ښوونځي نوې ودانۍ د جوړېدو خبر ورکړی دی.
د پوهنې وزارت له خوا په خپره شوې خبرپاڼه کې ویلي، چې د لوګر ولایت په محمدآغې ولسوالۍ کې د ښوونځي نوې ودانۍ د کلیو بیا رغاونې او پراختیا وزارت د اقراء پروګرام له لارې په پاخه او اساسي ډول جوړه کړې ده.
په خبرپاڼه کې راغلي، چې جوړه شوې ودانۍ ۴ درسي ټولګي، د اوبو یوه څاه او ۵ تشنابونه لري، چې په یوه وخت کې ۲۰۰ زده کوونکي پکې زده کړې کولای شي.
