رویداد خبري آژانس په افغانستان کې لومړنۍ دیجټلي خبري آژانس
د ولسي جرګې یوشمېر غړي وایي افغان حکومت د ښوونکو د معاشونو له زیاتېدو سره مخالفت کوي.
د ولسي جرګې غړي وایي د ۱۴۰۰ کال په بودیجه کې د امتیازي معاشونو او اضافي لګښتونو لپاره د حکومت له لوري میلیاردونه افغانۍ ځانګړې شوې دي خو د ولسي جرګې غړي ټینګار کوي چې باید د ښوونکو او ځينو ټيټ پوړو مامورینو معاش لوړ کړل شي.
وکیلان وایي حکومت د خپلو سیاسي اړیکو لپاره د معاشونو ځانګړي سیستمونه رامنځ ته کړي دي چې د لوړپوړو چارواکو نږدې کسان لوړ او غیر عادلانه معاشونه اخلي.
د ولسي جرګې غړي ټینګار کوي چې باید د مامورینو په معاشونو کې عدالت رامنځ ته شي او په ځانګړې توګه د ښوونکو معاشونه باید لوړ کړل شي ځکه په دې سختو شرایطو کې دوی په کمو معاشونو کار کوي او د وکیلانو وجداني مسوولیت دی چې ددوی له حقوقو دفاع وکړي.
