رویداد خبري آژانس په افغانستان کې لومړنۍ دیجټلي خبري آژانس
نیویارک ټایمز ورځپاڼې له افغان ځواکونو څخه د امریکا هوایي ملاتړ ته په اشارې ویلي چې طالبانو په دې وروستیو کې خپلو بریدونو ته زور ورکړی دی او که چېرته د امریکا هوایي ملاتړ نه وای نو کندهار ښار به اوس هم د طالبانو تر سختې کلابندۍ لاندې وای.
نیویارک ټایمز په کندهار کې د ملي اردو د یو قومندان ډګروال ذبیح الله غورځنګ له قوله ویلي، که څه هم افغان ځواکونه پیاوړي دي او کولی شي په یوازې ځان د خپلې خاورې دفاع وکړي خو طالب وسله والو پر کندهار ښار برید ته پوره چمتوالی نیولی وو او په وینا یې، که چېرته د امریکا هوایي ملاتړ نه وای نو طالبان به اوس په کندهار ښار کې ناست وو.
د یادونې ده چې د امریکا د ملي امنیت سلاکار رابرټ اوبراین پرون په سپینه ماڼۍ کي خبریالانو ته ویلي چې ټرمپ غواړي له افغانستان څخه ټول سرتېري تر مې میاشتي پوري خپلو کورونو ته راستانه کړي.
