رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د سرمنشي وياند استيفن دوجاريک تېره ورځ په يوې مطبوعاتي غونډې کې ويلي، چې د منځني ختيځ حالت ورځ تر بلې ترينګلی کيږي او د ملکي وګړو مرګ ژوبله پر بشري مرستو منفي اغيزه درلودلې شي، د هغه په وينا د منځني ختيځ د بدو حالاتو له امله به په نړۍ کې اقتصادي برخه په پراخه کچه اغېزمنه شي.
هغه همداراز په ايران کې د نجونو پر ښوونځي شوي بريد چې په پايله کې ماشومانو ته مرګژوبله اوښتې وه، اندېښنه ښودلې او هيله يې څرګند کړې چې امريکا دې د يادو برېدونو په اړه ژر تر ژره د خپلو څېړنو پايلې خپرې کړي.
ملګرو ملتونو همداراز د شخړې له ښکېلو خواوو غوښتي، چې نړيوال بشري قوانين دې مراعات کړي، ملکي وګړي او تاسيسات په نښه نکړي او شته ستونزې دې په ډيپلوماتيکو لارو هوارې کړي.
