رویداد خبري آژانس په افغانستان کې لومړنۍ دیجټلي خبري آژانس
د افغانستان د عامې روغتیا وزارت وایي، چې تراوسه ۸۰ زره محصلین واکسین شوي او په پوهنتونونو او د لوړو زده کړو موسسو کې د محصلانو واکسیناسیون دوام لري.
د یاد وزارت ویاند دستګیر نظري پرون د یکشنبې په ورځ (د زمري ۱۰مه نېټه) رسنیو ته وویل، چې د لوړو زدهکړو وزارت د محصلانو حاضري د واکسین د کارتونو پر اساس تنظیم کړې او تراوسه د پوهنتونونو او لوړو زدهکړو مؤسسو ۸۰ زره محصلینو واکسین شوي دي.
د لوړو زدهکړو وزارت تېره اوونۍ اعلان وکړ چې په افغانستان کې د لوړو زدهکړو مؤسسو درسونه به د محصلینو تر واکسین وروسته د زمري په ۱۶مه پيل شي.
وزارت په محصلینو باندې واکسین جبري کړی او ویلي یې دي چې د واکسین له کارت پرته خپلو تعلیمي ادارو ته نهشي ننوتلی.
د رسمي شمېرو له مخې، تر دې دمه په افغانستان کې ۱۴۸،۰۰۰ خلک په کرونا ویروس اخته او له ډلې یې شااوخوا ۶،۸۰۰ کسان مړه شوي دي.
