رویداد خبري آژانس په افغانستان کې لومړنۍ دیجټلي خبري آژانس
د رویټرز د راپور له مخې، د امریکا د هوايي ځواک یوه قاضي د چهارشنبې په ورځ حکم کړی چې خالد شیخ محمد، چې د ۲۰۰۱ کال د سپټمبر ۱۱مې د بریدونو د طراح په توګه تورن دی او په دغو بریدونو کې نږدې درې زره کسان وژل شوي وو، له درېیو نورو تورنو سره یوځای د ۲۰۲۸ کال په جون کې د پوځي محکمې پر وړاندې محاکمه شي.
د راپور له مخې، دغه حکم د امريکا هوايي ځواک د ډګروال مایکل شراما له لوري صادر شوی او دا فيصله د ګوانتانامو په زندان کې د دغو څلورو بندیانو د قضیې په اړه د شاوخوا دوو لسیزو حقوقي کړکېچ وروسته د محاکمې د ترسره کېدو لپاره نوی پړاو بلل شوی.
د معلوماتو پر اساس، خالد شیخ محمد او نور تورن کسان د ۲۰۰۱ کال د سپټمبر ۱۱مې په بریدونو کې د لاس لرلو په تور له اوږدې مودې راهیسې په ګوانتانامو کې بندیان دي
