رویداد خبري آژانس په افغانستان کې لومړنۍ دیجټلي خبري آژانس
د کډوالو په چارو کې د ملګرو ملتونو عالي کمېشنرۍ (UNHCR) په خپل تازه راپور کې ویلي، چې د ۲۰۲۶ کال له پیل څخه د اګست میاشتې تر پایه یې په افغانستان کې ۲۵۷ زره او ۶۳۰ کسانو ته د خوندیتوب اړوند خدمتونه وړاندې کړي دي، چې له دې ډلې ۵۰ زره او ۸۷۱ کسانو ته یوازې په اګست میاشت کې دغه خدمتونه رسېدلي دي.
د راپور له مخې، په همدې موده کې ۱۲۹ زره او ۹۸۲ ښځو او نجونو د خوندیتوب خدمتونه ترلاسه کړي، چې ۲۵ زره او ۶۲ یې په اګست میاشت کې له دغو خدمتونو برخمنې شوې دي.
دغه راز، یو اېناېچسيار ویلي، چې په ۲۰۲۶ کال کې یې ۱۹۷ زره او ۸۶۲ بېرته ستنو شویو افغان کډوالو ته بېړنۍ نغدي مرستې برابرې کړې دي، چې له دې ډلې ۱۱ زره او ۴۲۸ کسانو ته یې په اګست میاشت کې مرستې رسولي دي. د ملګرو ملتونو دې ادارې زیاته کړې، چې د سرحدي څارنې، حقوقي مرستو، د هویت د اسنادو برابرولو، رواني او ټولنیز ملاتړ او د ښځو او ماشومانو د خوندیتوب په برخو کې خپلو فعالیتونو ته دوام ورکوي.
