رویداد خبري آژانس په افغانستان کې لومړنۍ دیجټلي خبري آژانس
د امریکا د پوځ مرکزي قوماندانۍ (سینټکام) ویلي، چې د ایران پر وړاندې یې د بریدونو نوی پړاو پیل کړی دی. د سینټکام په وینا، دغه عملیات د ایران پر پوځي وړتیاوو، د توغندیو او بېپیلوټه الوتکو اړوندو مرکزونو او نورو پوځي اهدافو متمرکز دي.
سینټکام ویلي، چې د ایران د سپاه پاسداران ځواکونه به هم د هغو بریدونو په تړاو په نښه کړي چې د امریکا په وینا، په اردن کې د امریکايي سرتېرو د مرګ ژوبلې لامل شوي دي. د امریکا پوځ وايي، هدف یې د ایران د پوځي توان کمزوري کول دي.
بل لور ته، ایراني رسنیو د ایران په سوېلي سیمو، د هرمزګان ولایت، بندرعباس، سیریک او قشم ټاپو کې د چاودنو راپورونه ورکړي دي. د راپورونو له مخې، په ځینو سیمو کې د هوايي دفاعي سیستمونو د فعالېدو خبرونه هم ورکړل شوي، خو د زیانونو او مرګژوبلې بشپړ جزیات لا نه دي خپاره شوي.
