رویداد خبري آژانس په افغانستان کې لومړنۍ دیجټلي خبري آژانس
د احصایې ملي اداره وایي د روان کال تر پایه به څه باندې پنځه میلیونه کسانو ته برېښنایي پېژندپاڼې ووېشي.
د افغانستان د احصایې او معلوماتو د ادارې مشر جاوید رسولي وایي دوی دمګړی د برېښنایي پېژندپاڼو د وېش ۷۰ مرکزونه لري چې له دې ډلې شپږ یې په ایران کې دي.
د جاوید رسولي په وینا دوی هڅه کوي چې چارې یې چټکې او شفافې کړي او په دې توګه د روان لمریز کال تر پایه څه باندې پنځو میلیونه وګړو ته برېښنایي پېژندپاڼې ووېشي.
د ښاغلي رسولي همدا راز ویلي چې له دې وروسته د پخوانیو پېژندپاڼو د تایید خدمات هم له منځه وړي، ځکه کومې پېژندپاڼې چې ددغه ادارې له لوري صادرې شوې د باور وړ دي او ادارات یې باید ومني.
