رویداد خبري آژانس په افغانستان کې لومړنۍ دیجټلي خبري آژانس
د افغان سولې لپاره د امریکا د بهرنیو چارو د وزارت ځانګړي استازي زلمي خلیلزاد کابل ته د پاکستان د لومړي وزیر عمران خان پر وروستي سفر هرکلی کړی دی.
زلمي خلیلزاد په خپله ټویټر پاڼه لیکلي، حکومت یې د افغانستان او پاکستان ترمنځ مثبتو اړیکو ته هرکلی کوي او دواړه هېوادونه یو پایدارې سولې ته هڅوي.
خلیلزاد ټینګار کړی چې د دواړو هېوادونو ترمنځ د هوکړې کولو په صورت کې به په سیمه او دواړو هېوادونو کې د سولې یو لوی فرصت رامنځته شي.
د خلیلزاد د عمران خان سفر کابل ته د یو ګډ لید لوري په توګه چې دواړو هیوادونو اعلان کړ راتلونکي ته یو ښه ګام دی بللی.
نوموړي د دواړو هېوادونو ګډو لیدولوری، د یو بل له خاوري د ځان په ګټه د استعمالوولو مخنیوی، یو ګډ حاکمیت، د خلکو دولت او یو قوي امنیت ترمنځ اړیکې، ګډ اقتصاد، سوداګریز پرمختګ منځنۍ اسیا ته د پاکستان او افغانستان اتصال یاد کړی دی.
هغه دغه راز په افغانستان کې د تاوتریخوالي د کمېدو په برخه کې د پاکستان له هڅو هرکلی کړی دی.
نوموړی دغه څرګندونې په داسې حال کې کوي چې د تېرې پنجشنبې په ورځ د پاکستان لومړي وزیر عمران خان کابل ته لومړی سفر وکړ او دلته یې له ولسمشرغني او نورو افغان چارواکو سره خبرې اترې وکړې.
