رویداد خبري آژانس په افغانستان کې لومړنۍ دیجټلي خبري آژانس
د بښنې نړيوالو سازمان يا Amnesty international يو وار بيا په افغانستان کې د رسنيو او خبريالانو پر وضعيت اندېښنه ښودلې او ويلي يې دي، چې دغلته خبريالانو لا هم د دندې پرمهال له ستونزو سره مخ کېږي.
دې سازمان ويلي، په افغانستان کې د طالبانو له بيا واک ته رسېدو سره، په ګڼو برخو کې د کار ساحه تنګه شوې او يو له دې ساحو د رسنيو د فعاليت ساحه ده.
د بښنې نړيوال سازمان د افغانستان له سرپرست حکومت غوښتنه کړې، چې د رسنيو ازادۍ ته ژمن پاتې شي او اجازه دې ورکړي، څو خبريالان په ډاډ زړه خپل رسنيز کارونه مخته يوو.
د بښنې نړيوال سازمان داسې مهال د خبريالانو پر وړاندې د ستونزو له زياتېدو خبر ورکوي، چې تازه نن د رويداد خبري اژانس خبريال او د خبرونو مسوول احسانالله احسان په کابل کې د امنيتي ځواکونو له لوري په داسې حال کې نيول شوی، چې د راپور چمتوو کولو په موخه يې په ښار کې د عامو خلکو نظرونه اخيستل.
د افغانستان سرپرست حکومت څو مياشتې وړاندې د رسنيو د تخطيو کمېسيون بېرته احيا کړ، خو لا هم د دې کمېسيون فعاليتونه په بشپړه توګه نه دي منظم شوي.
که له يوې خوا خبريالان د کار په جريان کې له ستونزو سره مخ کېږي، تر څنګ يې مالوماتو ته نه لاسرسی هم هغه ستونزه ده، چې خبريالانو تل ترې شکايت کړيت کړی دی.
