رویداد خبري آژانس په افغانستان کې لومړنۍ دیجټلي خبري آژانس
ایران د اټومي تړون په اړه له امریکا سره د خبرو لپاره د اروپايي ټولنې وړاندیز رد کړی دی.
اروپايي رسنیو د دوو مهمو دیپلوماتانو له خولې لیکلي وو، چې هڅه کوي ایران د اټومي تړون په اړه له امریکا سره خبرو ته کېنوي، خو د ایران د بهرنیو چارو وزارت دغه وړاندیز رد کړی دی.
د ایران د بهرنیو چارو وزارت ویلي امریکا یې تر دې دمه د ایران پر وړاندې په دريځ کې هېڅ ډول نرموالی نه دی راوستی او لا هم بندیزونه پر خپل ځای دي.
ایران وايي هغه مهال خبرو ته حاضرېږي چې پر دوی لګول شوي بندیزونه لرې کړل شي.
