رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د بشري مرستو همغږه کوونکط اداره ( اوچا ) وایي، د ۲۰۲۱ کال په لومړیو ۳ میاشتو کې ۸۱ زره افغانان بې کوره شوي دي.
د اوچا ادارې د شمېرو له مخې، د جنوري له میاشتې راپه دې خوا ۱۸ زره کسان په ننګرهار کې او ۱۲ زره په کندهار کې بې ځایه شوي او تر دې دوو ولایتونو وروسته په فاریاب او بغلان کې ډېرکسان په تېرو دوو میاشتو کې د خپلو کورونو پرېښودو ته اړ شوي دي.
د دې ادارې په خپل راپور کې چې پرون سې شنبه (د وري ۳۱مه) یې خپور کړ، ویلي دي چې نژدې ۶۰ په سلو کې بې ځایه شوي ماشومان او تر ۱۸ کلونو لږ عمره کسان دي.
د راپور له مخې جګړې په لومړي ګام کې او طبیعي ستونزې په دوهم ګام کې د خلکو د بې ځایه کیدو سبب شوي دي.
