رویداد خبري آژانس په افغانستان کې لومړنۍ دیجټلي خبري آژانس
د امریکا د ولسمشر مرستیال جي ډي ونس،سویس ته رسېدلی څو له ایراني چارواکو سره په لوړې کچې خبرو کې ګډون وکړي.
دغه مذاکرات د لنډمهالي ۱۴ مادهییز هوکړهلیک د یوې دوامدارې سیمهییزې موافقې پر بدلېدو متمرکز دي. د امریکا په پلاوي کې سټیو وېټکاف او جېرډ کوشنر هم شامل دي.
د راپورونو له مخې، د پاکستان لومړی وزیر او د پوځ لوی درستیز هم د منځګړیتوب د هڅو د ملاتړ لپاره په دغو ناستو کې حضور لري. دواړه لوري هڅه کوي چې د ۶۰ ورځني مذاکراتي بهیر له لارې د اټومي پروګرام او نورو اختلافاتو لپاره د حل لارې ومومي.
دا خبرې په داسې وخت کې پیلېږي چې د هرمز تنګي د وضعیت او په لبنان کې د اسرائیلي بریدونو په تړاو لا هم جدي اختلافات موجود دي. ایران وایي په لبنان کې روان بریدونه د مخکیني تفاهم خلاف دي، خو امریکايي چارواکو ټینګار کړی چې د هرمز له لارې د سوداګریزو بېړیو تګ راتګ دوام لري او د سیمې د کړکېچ د کمولو لپاره دیپلوماتیکې هڅې روانې دي.
