رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو سرمنشي انتونيو کوټيريش د ميرمنو پر وړاندې د طالبانو دريځ او چلند د اندېښنې وړ بولي او وايي، دې ډلې د افغان ميرمنو په اړه کړې ژمنې ماتې کړې دي.
نوموړي پرون ناوخت د (تلې په ۱۹مه) نيويارک کې خبريالانو ته ويلي، د افغان ميرمنو په اړه د طالبانو له لوري د شويو ژمنو ماتول، د راتلونکي لپاره د افغان ميرمنو د هيلو وژلو په مانا دي.
ګوټيريش له طالبانو غوښتې چې هر څه ژر دې د بشري حقونو او نړيوالو بشري اصولو په چوکاټ کې د ښځو په اړه پر خپلو کړيو ژمنو عمل وکړي.
نوموړي په ورته مهال پر نړيوالې ټولنې هم غږ کړی چې له افغانستان سره مالي مرستې وکړي څو په خبره يې د دغه هېواد اقتصاد له سقوط وژغورل شي.
د افغان ميرمنو په اړه د ملګرو ملتونو سرمنشي دا څرګندونې داسې مهال دي، چې دامهال ميليونه نجونو ته ښوونځي ته د تګ اجازه نه ده ورکړل شوې.
خلک نيوکه کوي چې اسلامي امارت دې له توپير پرته نجونو ته هم اجازه ورکړي څو ښوونځيو او پوهنتونونو ته لاړې شي.
