رویداد خبري آژانس په افغانستان کې لومړنۍ دیجټلي خبري آژانس
د افغانستان د پوهنې وزارت وایي د میدان وردگو په بهسودو لومړي حصې ولسوالۍ کې د ( دهن آبدرې) په نوم د نجونو او هلکانو د لومړني ښوونځي نوې ودانۍ ګټې اخیستنې ته وسپارل شوه.
د پوهنې وزارت وایي د یاد ښوونځي نوې ودانۍ د کلیو، بیارغاونې او پراختیا وزارت د اقراء پروګرام له لارې دیو کال په موده کې په پاخه او اساسي ډول د ۴ میلیونه او ۵۰۰ زره افغانیو په لګښت جوړه شوې ده.
یاد وزارت ویلي، دغه ښوونځی ۶ درسي ټولګي، یوه اداري خونه، د پاکو اوبو څاه او ۳ تشنابونه لري، چې په یوه وخت کې د ۲۰۰ زده کوونکو د ځایولو وړتیا لري.
د میدان وردګو پوهنې رییس محمد سعید منصور ویلي چې د دغه ښوونځي په جوړېدو سره په دوو وختونو کې ۴۰۰ نجونو او هلکانو ته د زده کړو لازم ښوونیز چاپیریال برابر شي.
