رویداد خبري آژانس په افغانستان کې لومړنۍ دیجټلي خبري آژانس
د افغانستان د پوهنې وزارت وایي د نیمروز مرکز او ولسوالیو د ښوونځیو د لومړيو ټولګیو پر زده کوونکو د قرطاسیې ویش پیل شو.
د پوهنې وزارت له خوا خپره شوې خبرپاڼه کې لیکلی، یاد درسي مواد، چې د یونیسف موسسې له لوري مرسته شوي د زده کونکو لپاره قرطاسیه او د کتابونو بیکونه شامل دي.
د یاد وزارت په خبرپاڼه کې راغلي، مرسته شوي درسي مواد د لومړي ټولګیو په ۲۱۳۶۴ تنو زده کوونکو و وېشل شول، چې د یادو زده کوونکو شته اړتیاوې به پرې حل شي.
د دغه وزارت همدارنګه زیاتوي، چې د یونیسف نړیوالې موسسې د نیمروز پوهنې ریاست سره په ګډه د تدریس وضعیت ښه کولو لپاره تل د دې ولایت له ښوونځیو او زده کونکو سره همکاري کړي.
