Home » سیمه او نړی » په تایلنډ کې د اورلګېدنې له امله ۲۷ تنو ته مرګ ژوبله اوښتې
تایلنډ

په تایلنډ کې د اورلګېدنې له امله ۲۷ تنو ته مرګ ژوبله اوښتې

د تایلنډ په پوکېټ ټاپو کې په یوې سوداګریزې ودانۍ کې د اورلګېدنې له امله لږ تر لږه ۱۱ کسان مړه او ۱۶ نور ټپیان شوي دي. پېښه د دوشنبې په سهار د پاتونګ سیمې ته څېرمه رامنځته شوې ده.

د رویټرز خبري اژانس د راپور له مخې، اور د کرايي موټرو له یوه شرکت څخه پیل شوی او وروسته یې څو نږدې ودانیو ته هم پراختیا موندلې ده.
ويل کيږي چې اور د سهار شاوخوا ۳:۱۷ بجې لګېدلی او اور وژونکو نږدې دوه ساعته هڅو وروسته مهار کړی دی.

د راپور له مخې، د ټپیانو له ډلې ۱۵ د تایلنډ او یو د میانمار وګړی دی او په مړو او ټپیانو کې هېڅ بهرنی سیلانی نشته. د پېښې د لامل په اړه څېړنې روانې دي او لومړنۍ موندنې د ودانۍ ترڅنګ د برېښنايي ټرانسفارمر چاودنې ته اشاره کوي.
ماريا نيازۍ

شریکول:

About Agency Roydad News

Leave a Reply

Your email address will not be published. Required fields are marked *

*

x

Check Also

تاجکستان؛ له افغانستان سره پر ګډه پوله د ګډ بازار جوړولو وړاندیز کړی

د تاجکستان سفیر سعدي شریفي ...