رویداد خبري آژانس په افغانستان کې لومړنۍ دیجټلي خبري آژانس
هغه سړی چې هره ورځ په الوتکه کې دفتر ته ځي او راځي.
کرټ ون بيډنسکي Curt von Badinski نومېږي او ميکانيکل اينجينر دی.
د امريکا په لاس اينجليس کې اوسي او په سن فرانسيسکو کې په يوې کمپنۍ کې د مشر تخنيکي انجينر دنده لري.
هره ورځ سهار ۵ بجې راپاڅېږي او له ځان مينځلو او ناشتې وروسته په ۱۵ دقيقو مزل سره د (باب هوپ بوربينک هوايي ډګر) ته ځان رسوي او له ۹۰ دقيقو هوايي پرواز وروسته د کليفورنیا Oakland ته رسېږي له الوتکې له کوزېدو وروسته اته نيمې بجې خپل دفتر ته ځان رسوي، او مازديګر بيرته په ۵ بجې را رخصتېږي او بيا خپل کورته په الوتکه کې راځي.
نوموړی په اوونۍ کې ۵ ورځې دا چاره سرته رسوي.
بیډنسکي او اتو ملګرو یې يوه الوتکه په دوه زره دری سوه (تګ راتګ) کرايه کړې ، او له هوايي ډګره یې د امنيتي چيک اپ ، بورډينګ او خپل شخصي موټر په ښه ځای کې درولو او تلاشي په مسئله کې يې هم ښه رعايت اخيستی دی.
له نوموړي څخه دفتر په موټر کې ۵۶۸ کيلومتره لرې دی.
