رویداد خبري آژانس په افغانستان کې لومړنۍ دیجټلي خبري آژانس
برېتانيې ته د قطر امير تميم بن حمد ال ثاني د خپل سفر په ترڅ کې پرون سېشنبه ناوخته د (غبرګولي په ۳مه) د نوموړي هېواد له لومړي وزير بوريس جانس سره ليدلي او د دوه اړخيزه مسايلو ترڅنګ يې د افغانستان پر وضعيت هم خبرې کړي دي.
دواړو لوريو د افغانستان د وضعيت په اړه له ارزونې وروسته، په دې هېواد کې بشری وضعيت ناوړه بللی او له افغانانو سره يې د بشري مرستو د دوام په اړه ټينګار کړی دی.
په همدې حال کې د برېتانيې لومړي وزير بوريس جانسن له افغانستان څخه د بهرنيو وګړو په ايستلو کې د قطر له همکارۍ مننه کړې او ويلي يې دي چې په ياده موضوع کې د قطر رول مهم او حياتي و.
تميم بن حمد ال ثاني بيا برېتانيه د قطر نږدې همکار هېواد بللی او ويلي يې دي، چې دامهال د قطر او برېتانيې ترمنځ سياسي اړيکې نورې هم د غوړېدو په حال کې دي.
د افغانستان په تړاو د يادو چارواکو دا څرګندونې داسې مهال دي، چې دغه هېواد لا هم د سخت اقتصادي ناورين له امله له بشري ناورين سره مخ دی او له همدې کبله په کې لوږه ورځ تر بلې زياتېږي.
