رویداد خبري آژانس په افغانستان کې لومړنۍ دیجټلي خبري آژانس
امریکایي رسنیو راپور ورکړی دی چې تېره ورځ ناوخته د دغه هېواد په ویسکانسن ایالت کې یو وسله وال کس د ټوپک په ډزو اووه کسانو ته مرګ ژوبله اړولې ده.
راپورونه وایي چې دا پېښه په یوه واړه پارک کې رامنځته شوې ده چې په پایله کې یې دوه تنه ځای پر ځای وژل شوي او پنځه نور په ټپي حالت کې روغتون ته لېږدول شوي دي.
د یاد ایالت پولیس چارواکو ویلي چې دا پېښه هغه مهال رامنځته شوه چې یو کس د منډې په حالت کې په پارک کې پر ناستو کسانو ډزې وکړې او همداسې د پېښې له ځایه تری تم شو.
تر اوسه د پېښې اصلي علت معلوم نه دی، خو پولیسو ویلي چې دوی په دې اړه خپلې څېړنې پیل کړې دي.
