رویداد خبري آژانس په افغانستان کې لومړنۍ دیجټلي خبري آژانس
د کابل امنيه قومندانۍ خبر ورکړی چې په پلڅرخي سيمه کې يې دوه تنه انسان تښوونکي نيولي او يو ماشوم يې هم د دوی له منګولو ژغورلی دی.
امنيې قومندانۍ رويداد ته په لېږلې خبرپانه کې زياته کړې، ياد دوه انسان تښوونکي حميد او توحيد نومېږي چې يو ماشوم يې له تورخم څخه اختطاف کړی و او نن چهارشنبه د (سلواغې په ۲۷مه) په کابل کې ونيول شول.
د خبرپاڼې له مخې يادو اختطاف کوونکو کسانو غوښتل چې اختطاف کړی ماشوم ايران ته قاچاق کړي.
