څه باندې ۱۹۰۰ کډوال هېواد ته راستانه شوي

‏د کډوالو ستونزو ته د رسېدنې عالي کمېسیون د مالوماتو پر بنسټ، تېره ورځ له ایران او پاکستان څخه څه باندې ۱۹۰۰کډوال هېواد ته راستانه شوي دي.
د یادکمېسیون د راپور له مخې، تېره ورځ له ایران او پاکستان څخه ۳۳۷کورنۍ چې ۱۹۰۱کسان کېږي، هېواد ته راستنې شوې دي. یاد کډوال د هرات د اسلام‌کلا، د نیمروز ورېښمو پله، د هلمند د بهرامچې، د کندهار سپین‌بولدک او د ننګرهار د تورخم له لارو راستانه شوي دي.
او همداراز، تېره ورځ ۲۸۹ راستنې شوې کورنۍ چې ۱۵۰۴ کسان کېږي، خپلو سیمو ته لېږدول شوې او له ۳۷۷کورنیو سره مرسته شوې ده.