رویداد خبري آژانس په افغانستان کې لومړنۍ دیجټلي خبري آژانس
د کرکټ شل اووريز نړيوال جام د نيمه پايلوبې لومړۍ سيالي بېګاه شپه د (لړم په ۱۹مه) د نيوزېلنډ او انګلېنډ لوبډلو ترمنځ وشوه. په سر کې د لوبې پچه نيوزېلنډ وګټله او انګلېنډ ته يې د توپوهنې بلنه ورکړه.
د نګلېنډ لوبډلې د شلو اوورونو په لوبولو سره ۱۶۶ منډې جوړې او په دې توګه يې سيالې لوبډلې ته ۱۶۷ منډې هدف کېښود. د انګلېنډ په لوبډله کې معين علي تر ټولو ډېرې ۵۱ ناسوځېدلې منډې جوړې کړې.
د لوبې په دويمه پاڼۍ کې نيوزېلنډ لوبډلې بيا ټاکل شوی هدف د پنځو لوبغاړو په ځېدو سره په ۱۹ اوورونو کې پوره کړ. د نيوزېلنډ لپاره په بېګانۍ لوبه کې ډرېل مېچل ښه وځلېد او د ۷۲ منډو په جوړولو سره د لوبې غوره لوبغاړی هم ونومول شو.
د نيمه پايلوبې دويمه لوبه د اسټراليا او پاکستان ترمنځ ده چې ټاکل شوې نن پنجشنبه به ترسره شي او ګټونکې لوبډله به يې په پايلوبه کې له نيوزېلنډ سره مخ کېږي.
