رویداد خبري آژانس په افغانستان کې لومړنۍ دیجټلي خبري آژانس
د افغانستان د بهرنیو چارو وزارت لخوا په خپره شوې خبرپاڼه کې راغلي چې ددغه وزارت سیاسي مرستیال میرویس ناب پلازمینې دوشنبې ته تللی او د تاجکستان د بهرنیو چارو له وزیر سره یې کتلي دي.
په دې لیدنه کې د اسیا زړه هېوادونو کنفرانس پر جوړېدو، بین الافغاني خبرو او ددواړو لورو ترمنځ د اړیکو پر پراختیا خبرې شوې دي.
د تاجکستان چارواکو ویلي دوی له افغانستان سره په بېلو برخو کې همکاریو ته تیار دي او د هغه سولې ملاتړ کوي چې دلته د تېرو کلونو لاس ته راوړنې وساتي او روانه جګړه ختمه کړي.
په دې لیدنه کې همدا راز پلازمینې دوشنبې ته د ولسمشر غني د راتلونکي سفر په اړه هم خبرې شوې دي.
