رویداد خبري آژانس په افغانستان کې لومړنۍ دیجټلي خبري آژانس
د سویلي وزیرستان او بلوچستان په بیلا بیلو بریدونو او چاودنو کې لس تنه پاکستاني پوځیان وژل شوي دي.
پاکستاني چارواکو ويلي چې، دوه شپې وړاندې د سویلي وزیرستان د سرا روغه سیمې په ډیله مزارۍ کلي کې وسله والو کسانو د ملیشه سرتیرو پر پوستې برید کړی و.
پاکستاني چارواکو زیاته کړې، چې په دې برید کې پنځه پوځیان وژل شوي او یو تن یې ټپي شوی دی.
بلخوا ځایي رسنیو خبر ورکړی چې پرون په بلوچستان ولایت کې د چاودنې او وسله وال برید په پایله کې پنځه پوځیان وژل شوي او یو شمیر نور ټپیان شوي دي.
