رویداد خبري آژانس په افغانستان کې لومړنۍ دیجټلي خبري آژانس
افغان ځواکونو د کابل په دولسمه حوزه کې پرون جمعه (د سلواغې ۱۰مه) دوه مشکوک وسله وال وژلي او یو تن یې ټپي کړی دی.
د افغانستان د کورنیو چارو وزارت ویاند طارق ارین تېره شپه په یوه پیغام کې چې رسنیو ته یې واستاوه وویل، دغو وسله والو غوښتل پر پولیسو برید وکړي خو مخکې تر دې چې خپل هدف ته ورسیږي د پولیسو له لوري وویشتل شول.
ښاغلي ارین زیاته کړه چې له دې کسانو څخه لاسي بمونه، تفنګچې او پاکستاني شناختي کارډ ترلاسه شوي دي.
