رویداد خبري آژانس په افغانستان کې لومړنۍ دیجټلي خبري آژانس
د افغانستان د بهرنیو چارو وزیر د سعودي عربستان د سوداګرۍ له وزیر سره د سوداګریزو، پانګونې او پراختیایي اړیکو پر پراختیا خبرې وکړي.
محمد حنیف اتمرپه ریاض کې د درې ورځني سفر په لړ کې د سوداګرۍ له وزیر له ډاکټر ماجد بن عبدالله القصبي سره د سعودي عربستان له خوا د افغان کارګرو پر ګمارنې هم بحث وکړ.
د افغانستان د بهرنیو چارو وزارت نن شنبه (د سلواغې ۴مه) په یوه خبرپاڼه کې وویل، په دې کتنه کې سعودي عربستان ته د افغانستان د عمده صادراتو لپاره د ټرانسپورټي کرښو پر پراختیا هم بحث وشو.
د افغانستان د بهرنیو چارو وزارت په جلا خبرپاڼه کې ویلي چې ښاغلي اتمر د خلیج د همکارۍ شورا له مشر نایف بن فلاح الحجرف سره په کتنه کې د دوه اړخیزو همکاریو تفاهملیک لاسلیک کړ.
