رویداد خبري آژانس په افغانستان کې لومړنۍ دیجټلي خبري آژانس
د ایران ولسمشر حسن روحاني ویلي چې که چېرته امریکا تړون ته راوګرځي دوی هم خپلو تعهداتو ته ژمن پاتې کېږي.
نوموړي د ټرمپ دوره نه یوازې د امریکا بلکې د سیمې او نړۍ لپاره توره دوره یاده کړې او زیاته کړې یې ده چې ټرمپ په سیاست نه پوهېده او ټولې پرېکړې یې د عقدو له مخې کولې.
روحاني په ایران کې ځینې کورنیو ستونزو ته په اشارې زیاته کړې، په تېرو څلورو کلونو کې چې په ایران کې هره بده پېښه شوې ده مسووله یې امریکا ده.
هغه ټینګار کړی دی چې بایډن پراخه سیاسي تجربه لري او دی هیله لري چې نوموړی د ټرمپ تېروتنې اصلاح او له نړۍ سره روابطو کې مثبت بدلونونه راولي.
