رویداد خبري آژانس په افغانستان کې لومړنۍ دیجټلي خبري آژانس
دافغانستان ملي دفاع وزارت وایي، کندهار ولایت کې د یوه قومندانان په ګډون ۹۷طالب وسله وال وژل شوي او ۷ نور ټپيان شوي دي.
دفاع وزارت د یوه خپره کړې خبرپاڼه کې لیکلي:” د کندهار ولايت په ژیری ولسوالۍ په سيمو کې ملي امنيتي و دفاعي ځواکونو د هوايي ځواک په ملاتړ د وسله والو طالبانو د ۹ قوماندانان په ګډون ۸۸ تنه وسله وال طالبان وژلي او ۷ تنه نور يې ټپيان کړي دي.همدارنګه د کندهار ولایت د شاولیکوت ولسوالی کی ۹ تنه وسله وال طالبان وژلی دی.”
خبرپاڼه زیاتوي د يادو بريدونو په ترڅ کې د طالبانو ګڼ شمېر وسلې او مهمات هم له منځه تللي دي.
بل لوري ته پکتیکا کې تېره ورځ افغان ځواکونو په ځوابه بریدونو کې ۱۰ تنه د حقاني ډلې غړيو ته مرګ ژوبله اوښتې ده.
د ملي دفاع وزارت یوې بلې خبرپاڼې کې ویلي، چې د حقاني ډلې پلان درلود د پکتیکا ولایت د برمل ولسوالۍ د (شرمت خیلو) په سيمه کې د امنیتي او دفاعي ځواکونو پر ګزمه وسله وال برید تر سره کړي.
چې د تندر قول اردو د دوهمې لوا منسوبينو د امنيتي ځواکونو سره په ګډه د توپچي ځواک په مرسته د وسله والو ددغه شوم پلان د عملي کیدو څخه مخنیوی کړی، چې په پایله کې ۴ تنه د حقاني ډلې غړي وژل شوي او ۶ تنه نور ټپیان شوي دي.
خبرپاڼه زیاتوي، یو ډاډسن موټر، یو میل زیکویک او یوه قرارګاه په مکمل ډول له منځه وړل شوي، د ګزمې په جریان کې د مزایل ۳ فایره مرمۍ او یو حلقه بوشکهیي ماین د امنيتي ځواکونو له خوا کشف او شنډ کړي دي.
