رویداد خبري آژانس په افغانستان کې لومړنۍ دیجټلي خبري آژانس
د متحده ایالاتو ولسمشر ډونالډټرمپ، د روسیې ولسمشر ولادیمیر پوتین ته ګواښ کړی چې که له اوکراین سره د سولې موافقه ونه کړي، نو اضافي بندیزونه به پرې ولګوي.
ټرمپ پرون (سه شنبې، د سلواغې ۲مه) په سپینه ماڼۍ کې دا څرګندونې وکړې او د چین د ولسمشر، شي جین پېنګ څخه یې هم وغوښتل چې د اوکراین د جګړې په پای ته رسولو کې مرسته وکړي.
ډونالډ ټرمپ همداراز دا یادونه هم وکړه چې د ده ډله به اوکراین ته د نورو وسلو د استولو په اړه هم غور وکړي.
بلخوا د ټاکنیزو کمپاینونو پرمهال ټرمپ د بایډن پرادارې، له اوکراین سره د مرستو د کچې له امله سختې نیوکې کولې.
دا په داسې حال کې ده چې د اوکراین ولسمشر ولودیمیر زیلینسکي له دې مخکې ویلي و، چې هیله من دی د امریکا نوی ولسمشر به یې د هېواد پر وړاندې د روسیې جګړه په عادلانه توګه پای ته ورسوي.
