رویداد خبري آژانس په افغانستان کې لومړنۍ دیجټلي خبري آژانس
د بدخشان سیمهییز مسوولین وايي، چې په تېرو لسو میاشتو کې ددغه ولایت په مرکز او ولسوالیو کې یو زر او ۲۰۰ روږدي راټول او درملنه یې روانه ده.
د راپورونو له مخې د بدخشان امنیه قومندانۍ د نشه يي توکو پر وړاندې د مبارزې مدیریت مسوولین وايي، په تېرو لسو میاشتو کې د ښځو او ماشومانو په ګډون شاوخوا یو زر او ۲۰۰ روږدي یې د یاد ولایت له مرکز او ولسوالیو راټول کړي او اوس یې درملنه کېږي.
د بدخشان امنیه قومندانۍ د نشه يي توکو پر وړاندې د مبارزې مدیریت مسوولینو د معلوماتو پربنسټ دامهال دغه ولایت کې د روږدو درملنې څلور مرکزونو ترڅنګ د مشورې ورکړې دوه مرکزونه هم فعالیت کوي.
د یادولو ده چې د ا.ا له بیا راتګ څخه وروسته د نشهیي توکو پر کښت او تولید او د هر ډول نشهیي توکو کارول، سوداګرۍ او لېږد بندیز ولګېده.
