رویداد خبري آژانس په افغانستان کې لومړنۍ دیجټلي خبري آژانس
د امریکا ولسمشر جو بایډن په رسمي ډول اعلان وکړ چې، دی د ۲۰۲۴ کال ټاکنو کې بیا ځان کاندیدوي.
نوموړي له رایې ورکونکو وغوښتل چې ده ته د دندو د پای ته رسولو لپاره نور وخت ورکړي او د نورو څلورو کلونو لپاره د امریکا د تر ټولو زاړه ولسمشر د دورې د اوږدولو په اړه دې خپلې اندېښنې لرې کړي.
که بایډن دغه ټاکنې وګټي، د دویمې دورې په پای کې به نوموړی ۸۶ کلن وي.
تر دې وړاندې د امریکائیانو ترمنځ د بایډن زیات عمر لرلو له امله داسې ګنګوسې وې، چې ډموکراتان به کوم بل نوماند وړاندې کړي، خو بایډن په دې اعلان سره ټولې ګنکوسې غلطې ثابتې کړې.
