رویداد خبري آژانس په افغانستان کې لومړنۍ دیجټلي خبري آژانس
په داسې حال کې چې په امریکا کې د رایو بیا شمېرنه دوام لري او وروستۍ پایلې لا په رسمي ډول نه دي اعلان شوې، ډونالډ ټرمپ د امریکا د ۲۰۲۴ کال د ولسمشرۍ په ټاکنو کې خپله بریا اعلان کړې ده.
له دې بریا وروسته یو شمېر هېوادونو هغه ته د پیغامونو په استولو مبارکي ویلې ده.
د قطر امیر شیخ تمیم بن حمد ال ثاني او د ترکیې ولسمشر رجب طیب اردوغان دواړو د مبارکۍ پیغامونه استولي او له ټرمپ سره یې د ګډې همکارۍ د پیاوړتیا غوښتنه کړې ده.
همدا راز د فرانسې، اوکراین، ایټالیا او د اروپا د شورا مشر هم ټرمپ ته مبارکي ویلې او هیله یې څرګنده کړې چې په نوې دوره کې به نړیوالې اړیکې لا پیاوړې شي.
